In memoriam: Живко Дуковски

Боксерската федерација на Македонија соопшти дека починал Живко Дуковски, еден од основоположниците на овој спорт во нашата земја.

Дуковски бил активен боксер кон средината на 50-тите години од минатиот век, а потоа се истакнал како спортски работник, кој со децении го предводеше организирањето на турнирот „Златен Гонг“.

– Дуковски замина во вечноста, но она што го направи за македонскиот бокс вечно ќе се памети. За мене тој е најсветлата фигура во нашата боксерска историја. Без него, ми се чини боксот ќе беше многу посиромашен,- напиша спортскиот новинар Зоран Михајлов во своето збогување.

Живко Дуковски имаше 84 години.