Гедбан поуспешен од Митревски, Порто доживеа незгоден пораз од директниот конкурент

Тимот на Порто не успеа да го одбрани домашниот терен на вечерашната пресметка против Динамо Букурешт и со тоа се стави во многу незгодна позиција во борбата за пласман во нокаут рундата во Лигата на шампионите.

Португалскиот претставник загуби со 32-31 и сега со 8 бода е на последното место во групата Б на две кола до крајот на оваа фаза. Пред него се вечерашниот противник Динамо кој исто има 8 поени како и Мотор со тоа што Украинците имаат за доигрување еден натпревар.

Нашиот Никола Митревски забележа 7 одбрани или имаше успешност од 26.92 проценти со што беше послаб во однос на колегата на спротивната страна, поранешниот вардарец Калифа Гедбан кој имаше 9 интервенции и 27.27 проценти успешност на одбранети удари.

На останатите вечерашни битки Барселона славеше во дербито со Веспрем (35-30), ПСЖ го доби Флензбург (33-30), додека Пик Сегед беше подобар од Мешков Брест (28-26).