Ферстапен најбрз на последната спринт-трка во сезоната

Макс Ферстапен пронаоѓа мотив за докажување и во ситуација кога ја обезбеди титулата во Формула 1, а неговата доминација беше изразена и на последната спринт-трка во сезоната.

Трката за Големата награда на Бразил е последната на која ќе се вози спринт пред неделните возбудувања, но исходот беше идентичен како на четири од вкупно шесте вакви трки.

Ферстапен лесно стигна до победата и покрај тоа што на првото место стартуваше Ландо Норис, бидејќи стигна до првото место уште на стартот, а потоа лесно ја одржуваше предноста.

Холанѓанецот не му даде шанса на возачот на Мекларен и ја мина целната линија со четири секунди подобро време, а на третото место заврши неговиот тимски колега Серхио Перез кој доцнеше 10 секунди.

Главните возбудувања на Интерлагос сепак се резервирани за утре, кога во 19:00 часот се вози трката за Големата награда на Бразил.