Ембид сакал да игра за Франција на престојното ЕП

Еден од најдобрите играчи во НБА лигата, Џоел Ембид се одлучи да побара француско државјаноство и веќе во наредниот период можеме да го видиме во дресот на „триколорите“.

Желбата на центарот била веќе да настапи на престојното Европско првенство кое се игра од 1 до 18 септември во Чешка, Грузија, Италија и Германија, но поради повреда ќе мора да почека нова можност да застане рамо до рамо со Гобер, Фурние, Де Коло и компанија.

-Сè уште го чека францускиот пасош. Кога ќе го добие, може да ја започне процедурата за ФИБА да му дозволи да игра за репрезентацијата. Имаше голема желба да игра веќе летово, но имаше операција на раката и не игра кошарка, – изјави Борис Дијао кој е генерален менаџер на француската репрезентација.