Дибиров и Талески несопирливи, Вардар прв финалист во Купот

Ф4 турнирот во Куп завршницата започна со дуелот меѓу Вардар и вториот тим на Еурофарм Пелистер, па иако на моменти беше навистина изедначено, на крајот до израз дојде квалитетот на фаворитот.

Македонскиот првак и лидер на табелата во домашното првенство покажа класа и искуство кога беше најпотребно и на тој начин оствари победа со која го завери местото на завршниот меч.

Вардар е првиот патник во финалето во Купот, натпреварување кое оваа година се игра во Кавадарци во познатата сала „Јасмин“ која е домаќин на возбудливите случувања.

Младите играчи од Битола во неколку наврати дојдоа на само минус еден и не користеа напади за израмнување, па така Вардар завршниот удар го зададе на десетина минути пред крајот кога поведе со највисоки плус пет (24:19).

Ова беше најава дека Вардар оди во финалето, а на крајот конечниот резултат гласеше 28:24. Најзаслужни за славјето на „црвено-црните“ беа Дибиров и Талески кои беа креатори на дури 19 од 28 гола за Вардар, односно Русинот постигна десет, а македонскиот бек девет. На спротивната страна, Ѓукиќ и Петровиќ постигнаа по шест гола.