Челси не го потврдува транферот на Фернандез, Потер ќе има „европски“ проблем со засилувањата

Челси ќе потроши речиси 300 милиони фунти во јануарскиот преоден рок, заклучно со рекордниот трансфер на Енцо Фернандез, за кого премиерлигашот ќе издвои 105 милиони фунти.

Медиумите одбележуваат дека Челси се уште не го потврдил трансферот на Аргентинецот и засега молчи на оваа тема, но јасно е дека се работи за формалности кои веројатно ќе бидат решени.

Менаџерот Греем Потер доби голем број засилувања во овој преоден рок, а тоа му носи и главоболка во однос на списокот за европските купови.

Потер може да направи само три замени, што значи дека четири засилувања нема да можат да играат во Европа.

Челси покрај најавениот Фернандез, веќе ги доведе и Мудрик, Жоао Феликс, Бадијашил, Мадуеке, Фофана и Сантош, па четворица од нив нема да бидат вклучени во списокот наменет за УЕФА.