Челси и Бенфика конечно се договорија: Енцо Фернандез за рекордна сума се сели на „Стемфорд Бриџ“

Премиерлигашот Челси дефинитивно ќе го добие засилувањето кое најмногу го посакуваше во овој преоден рок-тоа е аргентинскиот репрезентативец Енцо Фернандез.

„Сините“ долго време инсистираа за ангажман на Енцо, најдобриот млад играч на последното светско фудбалско првенство во Катар. Бенфика долго време не противираше на оваа зделка или поточно сакаше да ја реализира само под нејзини услови и како што известуваат голем број на новинари, медиумски куќи двете страни конечно се договориле, подале рака за комплетирање на операцијата.

Трансферот ќе биде нов британски рекорд, 105 милиони фунти, а Енцо ќе потпише договор до 2030, 2031.

BREAKING! Chelsea have agreed a deal in principle to sign Enzo Fernandez from Benfica for £105m – a British record transfer 📝💰 pic.twitter.com/uN4ACpaddU

— Sky Sports News (@SkySportsNews) January 31, 2023

Со ова се става крај на една сага, драма која траеше во изминатиов месец и тоа во последните часови од зимскиот преоден рок.

Фернандез има 22 години и во досегашната кариера има настапувано уште за Ривер Плата и Дефенса Хустисија.