Баерн прегази аматерски тим за загревање во подготвителниот период (Видео)

Баерн Минхен денеска имаше многу активности, вклучувајќи ги потврдите за новиот спортски директор и трансферот на Кореецот Ким, но и контролен натпревар во рамките на подготовките за новата сезона.

Избраниците на Томас Тухел се соочија со аматерскиот тим Ротах-Егерн, но ретко кој можеше да очекува дека големиот фаворит ќе инсистира на полнење до врв на мрежата на противникот.

Баерн на полувреме водеше со 18:0 и на крајот победи со 27:0, па овој резултат го привлече вниманието на фудбалските фанови и медиумите.

Мусиала, Тел и Забицер биле најрасположени за реализација и постигнале по пет гола, а на списокот стрелци се и засилувањата Гереиро и Лајмер.