Атлетико Мадрид договорил два трансфери кои ќе се комплетираат оваа недела

Од таборот на Атлетико Мадрид договориле два трансфери со кои ќе се обидат да додадат дополнителен квалитет на тимот кој оваа сезона и тоа како е разнишан.

Избраниците на Чоло Симеоне никако не можат да врзат позитивни резултати во серија и во моментов се наоѓаат далеку од лидерот Реал Мадрид без никакви шанси да се борат за шампионската титула во Шпанија.

За подобрување на атмосферата во соблекувалната Симеоне се решил да донесе нови засилувања кои треба да бидат претставени во следниот период.

Готов бил трансферот на левиот бек на Лил, Реиналдо Мандава кој во текот на денешниот ден треба да ги мине неопходните лекарски прегледи во Мадрид.

Освен Мандава, Атлетико ќе се засили и со играчот на Валенсија, Даниел Вас кој веќе неколку сезони игра сосема солидно во тимот од „Месталја“.

Со овие засилувања, Симеоне сигурно ќе добие квалитет плус во својот ростер надевајќи се на надминување на резултатската криза и враќање на победничките патеки.