Абази донесе победа за Шкупи во дербито со Брера

Шкупи успеа да го победи тимот на АП Брера со минимални 1:0 и да стигне до важен триумф во дербито на Првата македонска фудбалска лига.

Луан Абази беше стрелец на единствениот гол на средбата, но сосема доволен за домаќините да ја остварат целта и да го совладаат директниот ривал за највисок пласман на табелата.

За скопскиот претставник ова беше и посебно важен резултат поради фактот што беше прв под водство на новиот тренер Младен Жижовиќ.

Решавачкиот момент се случи во 69. минута од средбата кога резервистот Абази ја оправда довербата на тренерот, а Шкупи стигна до 12 бодови на табелата.

Брера има еден повеќе и засега останува на делба на првото место со Шкендија, екипа која сепак има два натпревара помалку.