АБА лига: МЗТ уште чека на Приморска, Работнички потврден за втората лига

Раководството на АБА лигата денеска потврди дека во новата сезона и двете регионални лиги ќе бидат составени од по 14 екипи, а така треба да биде барем до сезоната 2024/25.

Во АБА 2 лигата се потврдени двајца македонски претставници, односно МЗТ Скопје Аеродром и Работнички, а останатите клубови се Спарс, Слобода Ужице, Слобода Тузла, Златибор, Студентски Центар, Сутјеска, Широки, Горица, Хелиос, Ловќен, Младост Земун и Подгорица.

МЗТ треба да го заземе местото на Приморска во првата АБА лига, но словенечкиот клуб уште не го откажал своето учество во првата АБА лига и останува неизвесно дали тоа ќе се случи. Во ова друштво сигурни учесници се Партизан, Црвена Звезда, ФМП, Мега, Крка, Олимпија, Цибона, Сплит, Морнар, Игоека, Задар и Борац.

Сезоната во втората АБА лига ќе започне на 23 септември, плејофот стартува на 14 септември, а првопласираниот тим ќе избори пласман во поелитното натпреварување.

Во првата АБА лига, сезоната започнува на 19 септември, а овој пат нема да има Супер куп натпреварување пред почетокот на истата.