Жоао Феликс го замолкнуваше Симеоне, тренерот на Атлетико му одговори со стил (Видео)

Атлетико Мадрид им се врати на победите во шпанската Примера по двата неповолни резултати против Леванте, и тоа на многу тешко гостување кај атрактивниот Вилјареал кој е воден од Унаи Емери.

„Жолтата подморница“ беше поактивна и статистички подобра во сите параметри, но сепак ефикасноста беше на страната на гостите и тоа се покажа како клучно за освојување огромни три бода на „Ла Серамика“ стадионот.

Атлетико поведе со автоголот на Педраза, во продолжение Облак имаше фантастични одбрани, а во вториот дел точка стави Жоао Феликс кој минува низ тежок период. Португалецот се најде во втор план кај тренерот Симеоне и денеска го постигна првиот гол по пауза од 40 дена, а истиот го прослави на контроверзен начин, односно со својата гестикулација алудираше дека „замолкнува“ некој што го критикува.

Шпанските медиуми веднаш ја поврзаа оваа гестикулација со Чоло Симеоне и сметаат дека истата му беше посветена на аргентинскиот стручњак, кој пак даде интересен коментар по победата од 0:2.

– Мора да го прашаме Жоао за прославата. Најдобриот одговор ќе го даде тој, за кого беше тоа наменето. Постигна одличен гол, влезе добро во второто полувреме откако беше на клупата и потребно ни беше вакво нешто. Јас обожавам кога играчите се бунат и имаат вакви реакции, – изјави Симеоне.