Вулверхемптон го пронајде наследникот на Нуно Санто

Заминувањето на Нуно Еспирито Санто од клупата на Вулверхемптон значеше активно барање замена за менаџерската позиција од страна на раководството, а англиските медиуми тврдат дека потрагата завршила успешно.

Местото на Санто ќе го заземе неговиот сонародник Бруно Лаге, кој својот најдобар резултат го постигна како тренер на Бенфика, но беше без ангажман од минатата година.

Лисабонскиот клуб стана шампион во 2019 година токму под водство на Лаге, но веќе следната сезона тој беше отпуштен поради слабата резултатска серија.

Медиумите потенцираат дека тој ја познава добро англиската фудбалска сцена откако му бил помошник на Карлос Квеирош во Шефилд Венздеј и Свонси.

Досега проблем за промоција на Лаге беше неможноста да добие работна дозвола поради пост-брегзит регулативите, но „волците“ се жалеле и добиле зелено светло од властите.