Втора година по ред: Вардар не доби лиценца за настап во Европа!

Најтрофејниот македонски фудбалски клуб Вардар и оваа година нема да настапува во европските купови.

Од Фудбалската федерација на Македонија ги соопштија имињата на клубовите кои добиле лиценца за излез во Европа, а таму не е името од Вардар од проста причина што „црвено-црните“ имаат огромни долгови и не ги исполнуваат условите за учество во натпреварувањата на УЕФА.

Тимовите кои добија зелено светло се Академија Пандев, Македонија ЃП, Работнички, Ренова, Силекс, Шкендија и Шкупи.

На „црната листа“ освен Вардар се и Брегалница, Борец и Струга Трим Лум.

Воедно од ФФМ информираа дека се уште е во тек процесот за лиценцирање на клубовите од ЖМФЛ за учество во натпреварувањата на УЕФА.