Веспрем со пресврт во финишот до победа во дербито со ПСЖ

Веспрем направи голем пресврт во завршницата на дербито со ПСЖ од Лигата на шампионите и ги израдува своите фанови со победа, со резултат 34:31.

Гостите имаа контрола на резултатот речиси цел натпревар, на полувреме,  а и подоцна во мечот имаа плус четири, а пресвртот започна да се реализира од 50. минута. Веспрем дојде до резултат 26:26, стигна до плус два кои ПСЖ ги неутрализираше, а подоцна и до нова предност која овој пат ја задржа до крајот.

Одличниот финиш на Веспрем го изненади ПСЖ, па Дејан Манасков и неговите соиграчи се израдуваа на првиот триумф во новата сезона на Лигата на шампионите.

Нашиот репрезентативец немаше учинок на овој дуел, а најефикасни кај победникот беа Омар Јахија со 10 и Мануел Штрлек со 8 голови.

Во редовите на ПСЖ, Микел Хансен уфрли 7 погодоци, а Лука Карабатиќ реализираше 5 голови на ова незгодно гостување.

Порто на нашиот голман Никола Митревски загуби од Мотор со 30:27.