Вардар не погреши против Бутел, Еурофарм убедлив во дуелот со Радовиш

Ракометарите на Вардар ја продолжија позитивната серија, победувајќи го Бутел во домашното првенство, а убедлив беше и најголемиот ривал, Еурофарм Пелистер, кој имаше лесна задача на дуелот со Радовиш.

Бутел не успеа да го изненади актуелниот првак, па „вардарци“ славеа со 27:34, продолжувајќи ја победничката серија во Супер лигата.

Дибиров бил најефикасен во редовите на Вардар со 7 голови, а ист ефект кај поразената екипа имал Пуљизовиќ.

Еурофарм Пелистер славеше против Радовиш со 42:22, а најефикасни во победничката екипа биле Граѓан со 8 и Мараш со 7 погодоци.

Тинекс Пролет го совлада Тиквеш со 31:26, Охрид славеше убедливо против Скопје 2020 со 37:25, додека вториот тим на Еурофарм оствари гостинска победа над Прилеп (24:30).

Вардар води на табелата со максимални 15 бодови, а го следат Еурофарм Пелистер и Тинекс Пролет со по 12.