Вардар мораше да додава гас за да го среди Бутел, Металург влезе во победничка серија

Ракометарите на Вардар многу потешко од очекувањата славеа над Бутел (26-22) во средбата од 11. коло од Суперлигата.

„Црвено-црните“ доста долго се мачеа да го скршат отпорот на противникот, првото полувреме заврши 11-11, во продолжението продолжи израмнетата игра за да во финишот Вардар сепак ја потврди фаворитската улога и ја заврши работата со што е чекор поблиску до пехарот.

Јагуриновски со седум и Чупуќ со шест гола беа најефикасни кај победникот.

Металург пак го среди Охрид со 28-24 со што ја продолжи одличната серија на резултати. Ова за четата на Марковси беше четврто славје во низа во кое лидер беше Калуџеровиќ со седум гола.