Вардар договори уште едно балканско засилување за наредната сезона (ВИДЕО)

Актуелниот македонски шампион Вардар 1961 договори уште едно засилување за новата сезона, засилување кое повторно е од овие балкански простори.

„Црвено-црните“ пред некое време објавија дека ангажиран е Словенецот Нејц Цехте, додека пак денеска клубот информираше дека нивен нов член ќе биде 30-годишниот Божо Анџелиќ. Анџелиќ е црногорски репрезентативец кој веќе има настапувано во Македонија во екипата на Металург.

Божо е среден бек кој во Скопје доаѓа од унгарски Ференцварош каде настапува од 2018 година. Договорот е едногодишен со можност за продолжување за уште една сезона доколку клубот биде задоволен од неговите настапи.

Во својата досегашна кариера има играно во Србија и Шведска (Црвена Звезда и Малме), а кога е во прашање репрезентацијата постојано е активен, беше дел од последните четири Европски првенства на Црна Гора со тоа што на она во Унгарија ние бевме негови жртви со оглед на тоа што беше најпрецизен против нас и Исланд со по шест гола.