Тринкиери се збогуваше со Партизан преку социјалните мрежи?

Кошаркарскиот клуб Партизан не дочека крај во ниту едно натпреварување сезонава, иако беше во игра за неколку трофеи.

Српскиот тим остана и без можност за пласман во Евролигата, а се чини тоа беше најголемата амбиција на „црно-белите“ и нивниот одличен тренер Андреа Тринкиери.

Медиумите кај нашиот северен сосед вечерва пишуваат дека пораката на социјалните мрежи напишана од Италијанецот значи и збогување со Белград и Партизан.

– Стигнав дома. Незаборавен период и најдобри фанови, – напишал Тринкиери со фотографијата од полна сала со фанови на Партизан.

Засега Партизан не ја потврдува или демантира информацијата, а навивачите се незадоволни бидејќи екипата ќе остане без тренерот со кој имаше одлични резултати.

Дел од медиумите пак тврдат дека Тринкиери преговара за нов договор и добро ќе му дојде притисокот од фановите кои се активираа по пораката на социјалните мрежи.