Тодоров со две измени за денешниот натпревар со Русија

Кошаркарската репрезентација на Македонија се прикажа во одлично светло на првиот натпревар во Перм против Италија, но за жал на крај го загуби натпреварот во послдните моменти од завршната четвртина.

Денеска избраниците на Тодоров во Перм се среќаваат со домашната Русија од која загубивме на првиот натпревар со 77:67.

Сега подобрени со американскиот кошаркар Вајли, ќе бркаме позитивен резултат против „зборнаја“ за да ни останат шансите за пласман на континенталниот собир.

За разлика од натпреварот со Италија, Тодоров направи две измени и во ростерот ги вклучи Виктор Ефремовски од Работнички и Филип Бакоч од МЗТ Скопје, а на трибината овојпат ќе останат младите Теодор Симиќ како и Андреј Митревски пред кои многумина предвидуваат блескава кариера.