Шкупи ги доби можните ривали во ЛШ, еден од нив го шокираше Реал на „Бернабеу“

Екипата на Шкупи ќе не претставува во Лигата на шампионите во оваа сезона или поточно во квалификациите каде веќе ги доби можните ривали за првата рунда.

Клубот од Чаир како неносител се најде во групата 5 што значи за противник може да ги добие Линколн Ред Импс (Гибралтар), Шамрок Роверс (Република Ирска), Слован Братислава (Словачка), потоа Карабах од Азербајцан кој веќе долго време игра редовно во групната фаза на европските купови како и Шериф Тираспол на нашиот Бобан Николов.

Шериф минатата сезона беше едно од најпријатните изненадување, успеа да дојде до групната фаза на ЛШ каде оствари две победи од кои едната беше над Реал Мадрид на „Сантијаго Бернабеу“ од 2-1.

Македонскиот првак утре ќе го добие тимот со кого ќе се надигрува во првиот европски предизвик.