Ширер: Притисокот прави чудни работи во овој дел од сезоната

Алан Ширер во својата најнова колумна пишува за резултатите од последното коло во Премиер лигата, каде на табелата Манчестер Сити го презема водството по киксовите на Ливерпул и Арсенал.

Поранешниот напаѓач смета дека притисокот си го направил своето на „Енфилд“ и „Емирејтс“, но и ривалите на Ливерпул и Арсенал одиграле одлично и тоа посебно важи за Астон Вила.

– Како што видовме на двата стадиона, притисокот прави чудни работи во овој дел од сезоната, дури и кај најдобрите фудбалери и екипи.

– Никој не очекуваше дека и Ливерпул и Арсенал ќе загубат, но сум бил во ваква ситуација и вакви работи се случува во битката за титула. Ова посебно важи за натпреварите кои мора да ги добиете на домашен терен, ако не поведете рано, сите стануваат понервозни.

– На теренот фудбалерите можат да ги слушнат извиците на навивачите по секоја грешка и пропуштена шанса, нешто што не посветувале многу внимание до пред некоја недела. Колку подолго е актуелна оваа ситуација, толку полошо, бидејќи се повеќе можете да слушнете очајнички пораки и паниката станува поизразена.

– Резултатите од неделата покажуваат што може да направи притисокот и затоа пред неколку недели останав со прогнозата дека Манчестер Сити ќе ја освои титулата. Во ова трио, Сити има најголемо искуство за вакви сценарија и не само што знаат што ги очекува, туку и како да се извлечат од тоа, – вели Ширер.