Поврзете се со нас

Светски првенства

Сабири го фати Куртоа „на спиење“, Мароко ја нокаутираше Белгија (Видео)

Објавено

на

Foto:twitter.com/FIFAWorldCup

Белгија одигра многу лош натпревар против Канада и успеа да победи со доста среќа во првото коло, но денеска не можеше да се извлече на втор натпревар по ред и го претрпе првиот пораз на мундијалот во Катар.

Мароко изненадувачки добро и парираше на Хрватска на својата премиера во Катар, а потврда за доброто издание беше денешната претстава против „црвените ѓаволи“ кои капитулираа во второто полувреме.

Мароканците предводени од селекторот Реграгуи постигнаа гол пред крајот на првиот дел, но истиот беше поништен поради минимален офсајд и резултатот остана 0:0 на паузата.

На стартот на вториот дел, Мертенс ја имаше најдобрата прилика за Белгијците кои се обидоа да извршат притисок, но голот пристигна на спротивната страна.

Резервистот Сабири го фати Куртоа на „спиење“ и погоди директно од прекин, што е прв гол за Мароко од слободен удар во историјата на Светските првенства.

Водството за Мароканците дојде во најдобар момент (73-та минута), по што Мартинез фрли се на една карта и го стави и недоволно подготвениот Лукаку. Ромелу не направи разлика, но затоа стигна втор гол во мрежата на Куртоа, за кој задолжен беше уште еден резервист, напаѓачот Закарија Абуклал.

Овој епилог прави групата Ф да биде крајно неизвесна, а следен на програмата е натпреварот меѓу Хрватска и Канада.

Реклама
Реклама
Реклама

Популарни