Реал, Јувентус и Барселона и одговорија за УЕФА за Суперлигата

Европската фудбалска федерација (УЕФА) успеа да се справи со најголемиот дел од клубовите основачи на Европската Суперлига, односно им додели прифатливи казни со тоа што во постигнатиот договор истите се обрзале дека нема одново да ја форсираат идејата за ново натпреваруње затоа што во тој случај би морале да исплатат пенали од 100 милиони евра, а пак во случај да прекршат некое друго правило ќе мора да платат 50 милиони евра.

Три тимови од почетните дванаесет не се разбраа со УЕФА, па по последните настани Реал Мадрид, Јувентус и Барселона излегоа со соопштение.

-Основачите на Супер лигата продолжуваат да страдаат и им се закануваат секој ден. Не принудуваат да го науштиме и згаснеме натпреварувањето што е неприфатливо. Законот е на страната на Суперлигата, а според него ФИФА и УЕФА не можат да реагираат и да ги казнуваат клубовите.

-Проектот Суперлига имаше за цел да најде решение за тешката ситуација што го снајде фудбалот и сите клубови. Се обидовме да најдеме решение за да преживееме. Исто така, најдовме решение домашните лиги да се играат паралелно со Суперлигата, и покрај сето тоа, ФИФА и УЕФА не најдоа, ниту се обидоа да го пронајдат вистинскиот начин да комуницираме за тоа.

-Веднаш изјавивме дека Суперлигата ќе се игра доколку УЕФА и ФИФА тоа го одобрат. Обезбедивме сè, но ФИФА и УЕФА и тогаш не сакаа да ја прифатат Суперлигата. Ова беше вистинска можност да им покажеме на навивачите ширум светот дека фудбалот е сè уште најдобра забава и да се врати вербата во овој спорт. Во оваа прилика сакавме да го промовираме и промовираме женскиот фудбал.

-Подготвени сме да го смениме пристапот кон Супер лигата. Гледаме дека нашите пријатели кои ја основаа Суперлигата со нас сега мораа да потпишат неколку договори со УЕФА. Ќе се обидеме да го најдеме вистинското решение и ќе продолжиме да работиме на овој проект и покрај заканите што ни ги испрати УЕФА, -се вели во заедничкото соопштение на Јуве, Барса и Реал.