Поврзете се со нас

Италија

Ранокија изведе несекојдневна стоперска акробација и спречи шок за Интер: Ќе останам се додека ми дозволуваат (Видео)

Објавено

на

Foto:twitter.com/Inter

Андреа Ранокија ретко добива шанса во последните неколку сезони како член на Интер, но поради верноста и љубовта кон клубот, тој е еден од милениците на фановите и таа посебна врска продолжи и вчера на „Џузепе Меаца“.

Интер беше пред шокантна елиминација во Купот од Емполи и имаше негатива од 1:2 до 91-та минута, кога навистина необично атрактивен гол за негови стандарди постигна Ранокија.

Искусниот стопер вчера ја носеше и капитенската лента против Емполи и се претвори во херој за пласманот во четвртфиналето, бидејќи неговата акробација за 2:2 му овозможи на Интер да победи со 3:2 во дополнителните 30 минути игра.

– Многу сум среќен што се пласиравме во следната рунда, што останавме живо во натпреварувањето. Постигнатиот гол ме прави уште посреќен.

– Се обидувам секогаш да бидам подготвен кога ќе бидам повикан за настап, ова е тимска работа и имаме навистина солидна група. Треба да се докажуваме на секој натпревар со нашите настапи на теренот. Горд сум што сум дел од овој тим. Ќе останам тука се додека ми го дозволат тоа, горд сум што сум дел од Интер, – порача Ранокија.

Реклама
Реклама
Реклама

Популарни