Продолжува „војната“ меѓу Мемфис и Голден Стејт, нова препирка на Брукс и Грин (ВИДЕО)

Мемфис Гризлис и Голден Стејт Вориорс развија ривалство во изминативе сезони, ривалство во кое има голема борба, тензија, препукувања, па со нетрпение се очекува секој нивен меч.

Гризлис се тие кои ја добија последната битка и тоа рано утрово каде го решија актуелниот шампион со 131-110 и покрај тоа што не сметаа на услугите на нивниот најдобар играч Џа Морант. Домаќините имаа пеколна прва четвртина во која постигнаа дури 48 поени (48-28) што воедно беше најава за нивото славје во овој дерби дуел во кој одново имаше нервоза, провокации, а во главна улога беа Дилон Брукс и Дрејмонд Грин.

Двајцата „не се мирисаат“, па во првиот дел дојде до близок контакт, соочување кое на крајот добро мина без посериозен инцидент затоа што се воздржаа од дополнителна акција.

Draymond and Dillon Brooks. 👀

pic.twitter.com/oKR75IrWpx

— Hoop Central (@TheHoopCentral) March 10, 2023

Draymond and Dillon Brooks getting chippy 👀 pic.twitter.com/a3QCKBUzhl

— Bleacher Report (@BleacherReport) March 10, 2023

Брукс со 14 поени беше еден од шесте играчи во победничкиот табор кои беа двоцифрени, Кари пак со 29 кошеви беше прв стрелец кај „воините“.

Резултати:
Детроит – Шарлот 103:113
Индијана – Хјустон 134:125 пп
Орландо – Јута 124:131
Мемфис – Голден Стејт 131:110
Милвоки – Бруклин 118:113
Сакраменто – Њујорк 122:117