Познати се судиите кои ќе им судат на Милан и Интер во клучните натпревари за Скудетото

Останува само уште едно коло до крајот на оваа сезона во Серија А, коло кое ќе ни го даде одговорот на најважното прашања-која екипа ќе биде шампион и ќе освои Скудетото за натпреварувачката 2021/2022.

Тоа ќе биде еден од двата гиганти од Милано, Милан или Интер со тоа што „росонерите“ се во пол позиција и имаат два бода бода повеќе и подобар резултат во меѓусебните дуели што значи дека и со реми против Сасуоло можат да го освојат пехарот.

Познати се абитрите кои ќе ја делат правдата на овие клучни средби кои се закажани за в недела од 18 часот.

Сасуоло-Милан ќе ја суди искусниот Даниеле Довери, додека главен на средбата меѓу Интер и Сампдорија на „Џузепе Меаца“ ќе биде Марко Ди Бело.