Пелистер го доби Вардар и во „Јане Сандански“

Ракометарите на Еурофарм Пелистер добија уште една битка со Вардар во подготвителниот период за новата натпреварувачка сезона.

Клубот од Битола пред неколку денови беше подобар од „црвено-црните“ во финалето на турнирот во Струга за да попладнево слави на пријалетскиот меч во СЦ „Јане Сандански“ со 26-21. Избраниците на Жељко Бабиќ водеа со 10-9 на полувремето, предност која ја зголемија во продолжението, односно преостанатите 30 минути.

Вардарци на овој дуел настапија без бековите Дисингер и Јотиќ, меѓутоа победите на „фармацевтите“ дефинитивно се доказ дека оваа сезона ќе биде супер интересна и возбудлива во нашиот ракомет.