Осминафиналната фаза во Купот нуди дерби пресметки во Скопје и Тетово

ОВа попладне во македонската „Куќа на фудбалот“ се одржа ждрепката и беа одредени осминафиналните парови во најмасовното фудбалско натпреварување во нашата земја, извлекување од кое во прв план се најде тетовската пресметка која ќе ја гледаме во оваа фаза од Купот.

Шкендија и Ренова ќе ги одмерат силите во осминафиналето, но дерби пресметка ќе има и во македонската престолнина, каде Вардар ќе ги одмери силите со Скопје.

Исто како и претходно, и во оваа рунда за пласман во наредната фаза ќе решава еден натпревар, па ждрепката ги одлучи и домаќините во осминафиналните натпервари.

Средбите од осминафиналната фаза ќе се одиграат на 20. октомври 2021-ва година со почеток во 14:00 часот.

Во „Куќа на фудбалот“ со извлекување беа одредени 1/8 парови во Купот на Македонија.

СТРУГА ТРИМ ЉУМ – БОРЕЦ 1919

АКАДЕМИЈА ПАНДЕВ – МАКЕДОНИЈА Ѓ.П.

ШКЕНДИЈА – РЕНОВА

ВАРДАР – СКОПЈЕ

БРЕГАЛНИЦА – ОХРИД ЛИХНИДОС

БЕЛАСИЦА – СИЛЕКС

ПЕЛИСТЕР – РАБОТНИЧКИ

ШКУПИ 1927 – ТИКВЕШ 1930 20. октомври 2021. со почеток во 14:00 часот.