Неговиот татко играше за „црвено-црните“: Вардар го сака играчот кој ги растури во СЕХА лигата

Екипата на Вардар 1961 го освои Купот на Македонија, но како што стојат работите ќе остане без круната во домашниот шампионат која ако нема изненадувања ќе заврши во Битола.

Меѓутоа што и да се случи, животот продолжува и мора да се размислува за наредната сезона, па така „црвено-црните“ се обидуваат да ги засилат своите редови. Веќе е обезбеден потписот на левото крило Марко Срдановиќ, но како што стојат работите тој нема да биде единствен играч кој ќе слета во Скопје од нашиот северен сосед.

„Моцарт Спорт“ пренесува дека вардарци притискаат да го добијат потписот на Стефан Петриќ на кого му завршува договорот со Партизан. Петриќ е лев бек кој е висок 197 сантиметри, играч кој се прикажа во фантастично издание во дуелот со Вардар кој годинава се одигра во Белград, поточно со 8 гола беше меѓу најзаслужните за славјето на „црно-белите“ од 28-22.

Инаку Стефан е син на Владимир Петриќ кој четири години беше дел од двократниот европски шампион каде и ја заврши кариерата.

Интерес за бекот има и од Порто, ама според „Моцарт Спорт“ има поголеми шанси за негов ангажман.