Мурињо може да се соочи со Интер уште во четвртфиналето на италијанскиот куп

Италијанската фудбалска федерација денеска ги одреди паровите за целата натпреварувачка сезона во Копа Италија, а фаворитите својот настап ќе го започнат во осминафиналната рунда.

Жозе Мурињо кој ја презема Рома ќе може да се соочи со „својот“ Интер во четвртфиналето, а за таа цел претходно ќе треба да победат еден противник во осминафиналето.

Рома ќе го добие својот противник од екипи како Специја, Парма и Лече, додека можен противник на Интер е Верона.

Актуелниот освојувач Јувентус во четвртфиналето налетува на Сасуоло, Наполи како можен противник ја има Аталанта, а тимот на нашиот Елиф Елмас претходно може да се соочи и со реновираната Фиорентина.

Милан би играл против Лацио ако двете екипи го минат осминафиналето, а подобриот од овој дуел, во четвртфиналето ќе игра против победникот од мечот Рома-Интер.

Јувентус-Сасуоло и Наполи-Аталанта се двојки кои се во другиот дел од натпреварувачкиот формат, а финалето е закажано на 11. мај 2022 година.

Џенова ќе мора да ги започне настапите уште во втората фаза, најпрвин против победникот од мечот Перуџа-Судтирол, а потоа против подобриот од дуелт меѓу Салернитана и Реџина. По овие две фази „наградата“ е пресметка со Милан во осминафиналето.