Модриќ: Донесов одлука за мојата иднина, но…

Хрватска не успеа со титула да го круниса настапот во Лигата на нации или поточно падна на последната пречка во Ротердам каде загуби од Шпанија по пенал рулетот.

Шпанците се покажаа како подобри пеналџии и со 5-4 дојде до трофејот кој им фалеше во своите витрини. Од друга страна пак ова за Хрватите беше уште едно разочарување затоа што им „избега“ од раце уште еден значен пехар со оглед на тоа што во 2018 година загубија во финалето на Светското првенство во Русија.

Лидер на таа генерација, но и на овој тим беше Лука Модриќ кој во септември ќе го прсоалви 38 роденден, па запрашан за својата иднина во репрезентацијата тој обелодени дека веќе донел конечно одлука по однос на ова прашање.

-Одлучив дали ќе играм за Хрватска и во иднина, ама нема сега да зборувам за тоа. Не сакам сега да говорам за тоа,  -им порача Лука на новинарите.

Модриќ од 2006 година игра за сениорската репрезентација, претходно ги мина сите филтри, младински категории до 15, 17, 19 и 21 година.