Манчестер Јунајтед постави нов премиерлигашки рекорд со издвоената сума за плати

Манчестер Јунајтед ја заокружи финансиската година со зголемена загуба, која достигна 115,5 милиони фунти, a клубот исплатил рекордна сума за плати во Премиер лигата.

„Црвените ѓаволи“ во сезоната 2021/22 издвоил 384,2 милиони фунти, што е раст за 19,1 проценти во однос на претходната година, а претставува и нов рекорд во Премиер лигата.

Претходно, најголема сума за плати во текот на една сезона имаше издвоено Манчестер Сити (355 милиони фунти).

Вкупниот финансиски обрт на Јунајтед е зголемен за 18 проценти и достигнал 583,2 милиони фунти, а долгот на клубот е зголемен на 514,9 милиони фунти.

Само за отказите на Оле Гунар Солскјер и разделбата со Ралф Рангник и нивните асистенти, Јунајтед издвоил 24,7 милиони фунти.