Малерозниот Мари заработи нова тешка повреда, неговата објава ги изнасмеа тениските фанови (Фото)

Енди Мари имаше интересен пат на Мастерсот во Мајами и издвојува две фантастични победи над Беретини и Ечевери, но во третата рунда загуби од Махач во меч во кој имаше предност.

Искусниот британски тенисер се повреди во завршната фаза од третиот сет и со големи болки го доигра мечот, меѓутоа за жал лекарските прегледи покажале дека се работи за посериозна повреда.

Мари веќе неколку години игра професионален тенис со вештачки колк, а во иднина ќе мора да се врати на теренот после тешката повреда на скочниот зглоб која ја заработи вчера.

– Вчера на крајот од ммојот меч во Мајами, претрпев целосна руптура на лигаментите на скочниот зглоб. Ќе мора да се видам со специјалист кога ќе се вратам дома и да видам кои ќе бидат следните чекори.

– Јасно е дека ќе бидам во аут подолго време, но ќе се вратам на теренот кога ќе дојде време со еден колк и без лигаменти на едниот зглоб, – порача Мари кој и покрај сите проблеми, очигледно не планира да се откаже и да се пензионира.

View this post on Instagram

A post shared by Andy Murray (@andymurray)