Македонија е „Топ организатор на европски натпреварувања“

Како доказ за одличната организација на последното женско европско првенство за ракометарки до 17 години што летово се одржа во Скопје, челните луѓе на ЕХФ му врачија признание на генералниот секретар на РФМ, Филип Милошевски.

Признанието насловено „Топ организатор на европски натпреварувања“ беше доделено во Букурешт од Жан Брио и Мајкл Видерер, претседател и генерален секретар на ЕХФ, а е адресирано до Ракометната федерација на Македонија.

Македонија е петнаесетта земја во Европа што во историјата го добила овој престижен епитет. Минатата седмица, РФМ ја доби довербата од светската ракометна федерација да го организира светското првенство за ракометари до 19 години.