Леонардо: Нема сценарио по кое Мбапе ќе си замине од ПСЖ

Пари Сен Жермен одлучи да ги одбие сите понуди на Реал Мадрид за Килијан Мбапе во финишот на летниот преоден рок иако стануваше збор за навистина големи суми на пари кога ќе се земе предвид дека Французинот е во последните месеци од актуелниот договор.

Меѓутоа „светците“ останаа докрај на своето и се чини дека веќе имаат план за да направат се што можат за да го убедат Килијан да продолжи на „Паркот на принцовите“ и по 2022 година. Имено спортскиот директор, Леонардо директно порача дена не гледа сценарио во кое францускиот ас си заминува од сегашната средина.

-Килијан е неверојатен играч. Составивме феноменално напаѓачко трио: Меси – Нејмар – Мбапе. Се надеваме дека ќе трае повеќе од една година. Мислам дека Килијан нема да го напушти клубот. Нов договор? Тоа отсекогаш бил наш приоритет, -рече Леонардо и додаде:

-Што ако си замине? Не сум размислувал за тоа. Не гледам сценарио по кое би го напуштил клубот. Не можеме тоа да го замислиме, -истакна оперативецот на ПСЖ.

Останува да видиме каква ќе биде одлуката на Килијан кој засега одбива да потпише нов договор и со тоа секако си отвара пат за преселба во Реал Мадрид.