Костески ја доби првата битка со Кукуловски во четвртфиналето во Чешка

Никола Костески со својот Талент Плзен ја обезбеди првата победа над Брно (33-25) во четвртфиналето во плеј-оф фазата во чешкиот шампионат.

Домашниот тим важеше за фаворит на овој меч, статус кој го оправда со добра игра во второто полувреме во кое го скрши отпорот на противникот  (19-11) и поведе со 1-0 во серијата. Најрасположен беше Доуда со седум погодоци, додека кај поразените се издвои Секулиќ со осум голови.

Кога се во прашање нашите интеранционалци, Костески за Плзен даде еден гол, а пак Дејан Кукуловски за Брно беше автор на два погодоци.

Следната средба е закажана за 26 март од 20:15 часот.