Капитенот останува во Минхен: Нојер си подаде рака со Баерн!

Најдобриот германски клуб, Баерн Минхен и Мануел Нојер ги надминаа сите разлика и договорија продолжување на соработката до 2023 година.

Во изминативе месеци имаше различни изјави од двете страни по што постоеше сомнеж дека Нојер ќе го продолжи престојот во Минхен, меѓуто сетоа тоа е надминато и капитенот ќе остане на „Алијанц Арена“ најмалку до 30 јуни 2023 година.

-Мануел е најдобриот голман на светот и нашиот капитен-порача Карл-Хајнц Румениге.

-За време на пандемијата со коронавирус, не сакав да донесам одлука затоа што никој не знаеше дали, кога и како фудбалот во Бундеслигата ќе продолжи. За мене беше важно да продолжам да работам со нашиот тренер на голмани Тони Тапаловиќ.

-Сега ова е решено, јас гледам кон иднината со голем оптимизам. Се чувствувам многу удобно и како дома во Баварија. Баерн е еден од најдобрите европски фудбалски клубови, -порача Нојер кој од 2011 го чува голот на бааврците.