Јувентус ги остави Реал и Барса на цедило, Тебас му фати голем сеир на Перез (Фото)

Јувентус се најде под сериозен притисок поради двата случаи за кои се вршеше истрага во клубот и за кои веќе се додели една казна, па во обид да се избегне одговорност и пред законите на УЕФА, клубот по се изгледа потпадна под притисокот.

„Старата дама“ оваа вечер со официјално соопштение ја извести јавноста дека полека се повлекува од таканаречениот проект Суперлига, во кој сега остануваат само Реал Мадрид и Барселона.

Поранешниот прв човек на Јуве, Андреа Ањели беше одговорен за влијанието на клубот во организирањето на спорниот проект, но откако тој си замина по избивањето на скандалот, сега новите луѓе кои го водат италијанскиот великан одлучија да се повлечат од Суперлигата.

Јувентус во официјалниот допис до јавноста потенцира дека веќе испратил соопштение до Реал Мадрид и Барселона за напуштање на проектот кој е дело на Флорентино Перез, а ова наиде на голем потсмев од првиот човек на Ла Лига, Хавиер Тебас.

– Последниот нека ја затвори вратата и нека го изгасне светлото, – гласи објавата на Тебас кој е голем противник на Суперлигата.

Juventus confirm they have written to Barcelona and Real Madrid to initiate discussions about a “potential exit” from the European Super League.

LaLiga president Javier Tebas has responded with, “Let the last one close the door and turn off the light…” pic.twitter.com/ZYjuRAPP7H

— Ben Jacobs (@JacobsBen) June 6, 2023

Que el último cierre la puerta y apague la luz. pic.twitter.com/YvaPErFmRL

— Javier Tebas Medrano (@Tebasjavier) June 6, 2023