Поврзете се со нас

Шпанија

Иниеста за својот наследник во Барселона: Тој е поразличен од сите други

Објавено

на

blank

Андрес Иниеста во вистинско време почувстува дека веќе не може да одговори на барањата кои ги има Барселона и самостојно одлучи да се повлече и да си замине од саканиот клуб, па во моменти кога постојано се бараат замени за него и Чави Ернандез од страна на шпанските медиуми, легендарниот играч за врска уште еднаш предупреди дека треба да се остават на мира младите фудбалери.

Во последно време, тинејџерот Педри е оној кој неверојатно потсетува на Дон Андрес според својот стил на игра и бестрашноста која ја презентира за своја возраст, играч од кој е импресиониран и самиот Иниеста кој потенцира дека 18-годишниот фудбалер има светла иднина во Барселона.

– Повеќе од јасно е дека Педри има огромен потенцијал, тоа е очигледно. Сметам дека тој е на вистинско место за да се развива како што треба, во Барселона ќе може да ги презентира сите свои квалитети.

– Му посакувам се најдобро и најважно е тој да остане мирен. Исто така, треба и медиумите да го остават на мира, да не прават притисок. Тој е многу млад и кариерата е пред него.

– Тој е поразличен од другите и сигурен сум дека ќе успее. Тој кога излегува на теренот, излегува за да игра и ужива. Педри ужива на теренот и тоа го прави поразличен од другите, затоа не личи на момче кое има 17 или 18 години. Му претстои светла иднина во Барселона, – потенцира Иниеста.

Реклама
Реклама
Реклама

Популарни