Илиев за својот идол Чех и шансата која не ја дочека од Венгер: Бев на добар пат во Арсенал, но повредата ми го украде сонот!

Дејан Илиев пред две недели стави крај на својата десетгодишна етапа во Арсенал и на свое барања побара предвремен раскин на договорот, се со јасна цел да пронајде сигурен проект во кој ќе добива шанса и ќе има важна улога.

Поранешниот македонски репрезентативец го раскина договорот шест месеци порано од истекот на истиот и во моментов има статус на слободен агент, но пред да си пронајде нова средина, направи ексклузивно интервју за специјализираниот фудбалски портал „Гол“ и долови што искусил во Арсенал во изминатата декада.

– Тажен сум што завршив во Арсенал, бев многу долго во клубот и остварив конекција со фантастични луѓе. Го сакам клубот и тоа место, заминав таму кога бев многу млад и запознавм многу луѓе. Работев со различни тренери и со многу големи играчи. Имав можност да соработувам со мојот идол од детството, големиот Петр Чех и тоа се неверојатни спомени кои ќе останал дел од мене до крајот на животот.

– Не жалам што останав толку долго во клубот, ја донесов вистинската одлука кога заминав таму и среќен бев до последниот ден. Арсенал е голем клуб во кој напреднав како играч, но повеќе како човек и личност. Научив многу различни работи и научив да ценам повеќе работи во животот. За жал, десет години минаа брзо и имав повреди кои ми направија проблеми. Се мора да дојде до свој крај и така дојде крај за моето време во Арсенал. Сега, ќе мора да си барам нова средина, – вели Илиев кој за жал не дебитираше за првиот тим на Арсенал.

– Мојот сон беше да дебитирам за првиот тим на Арсенал. Поради тоа потпишав за клубот, не отидов само за да тренирам и за да си ја добијам платата. Тренирав напорно секој ден за да дојдам до првиот тим и до деби, но не успеав. Мојата тешка повреда на коленото пристигна во години кога се развивав и кога Арсен Венгер даваше многу шанси на млади играчи. Во тој момент, се случи повредата и тоа ми го украде сонот, – потенцира Македонецот.