Грилиш не остана должен и му ја затна устата на Гути за погрешните заклучоци (Фото)

Хосе Марија Гути беше огорчен по тешкиот пораз кој го претрпе Реал Мадрид на „Итихад“ и програмата „Ел Чирингито“ започна со речиси триминутно молчење на поранешниот капитен на „кралскиот клуб“, кој пак пред една недела беше комплетно поинаку расположен и веруваше дека тимот на Карло Анчелоти ќе биде тој што ќе патува во финалето.

Гути тогаш заклучи дека Реал испушти победа и дека истата ќе ја надокнади во Манчестер, но притоа имаше и серија сериозни и храбри заклучоци, кои на крајот му се удрија од глава.

Легендарниот играч за врска отворено го критикуваше Грилиш по првиот меч и посочи дека тој не може да помине ниту еден играч по левата страна, но даде погрешни прогнози и за Пеп Гвардиола и Бернардо Силва.

Гути за Пеп истакна дека се плаши да прави измени, додека заврши дека Сити игра со играч помалку кога Бернардо Силва е поставен на десната крилна позиција.

Токму Португалецот постигна два гола на „Итихад“ играјќи на истата позиција, а Грилиш беше еден од најдобрите заедно со Бернардо и Де Брујне.

Една седмица подоцна, Грилиш ја сподели објавата со изјавата на Гути, но истовремено испрати и емотикон за „затнување на уста“.

🤐

— Jack Grealish (@JackGrealish) May 19, 2023