Гана победи со контроверзен пенал, Јужна Африка ќе се жали до ФИФА (Видео)

Фудбалската репрезентација на Јужна Африка остана без место во плејофот од квалификациите за СП во Катар, а федерацијата најави официјален протест до ФИФА и Африканската конфедерација поради судењето на дербито со Гана.

Гана победи на решавачкиот дуел со 1:0 со гол од пенал на Ају, но Јужноафриканците сметаат дека биле сериозно оштетени од судијата од Сенегал.

Селекцијата во чиј стручен штаб е и македонскиот стручњак Чеде Јаневски како асистент на Белгиецот Уго Брос, има ист број бодови со Гана, но најголемиот ривал го обезбеди првото место.

Пеналот е навистина спорен и веќе стана причина за жестока дебата на социјалните мрежи, но нејасно е дали тоа може да донесе некаква промена во однос на постигнатиот резултат и патникот во следната рунда.

The ‘penalty’ that eliminated #Bafana from World Cup qualification 🤮 pic.twitter.com/P8cRdaCPGK

— Joe Crann (@YesWeCrann) November 14, 2021