Галтие виси, но ПСЖ донел одлука за статусот на Луис Кампос

Францускиот шампион ПСЖ ќе направи сериозни промени во тимот по крајот на сезоната, а процесот ќе биде воден од Луис Кампос.

Статусот на тренерот Кристоф Галтие е неизвесен и тој може да заработи отказ поради неуспешниот настап во Лигата на шампионите, но затоа Кампос е сигурен на својата позиција.

Португалецот беше во клубот во периодот кога ПСЖ успеа да го задржи Килијан Мбапе во своите редови, па се уште ужива доверба кај раководството и катарските сопственици, што ќе му донесе уште еден летен преоден рок со соодветен буџет.

Кампос ќе треба да носи одлуки и во однос на продолжување на соработката со Лионел Меси и уште неколку искусни фудбалери.

Од друга страна, најавено е пристигнување на Милан Шкринијар, а можеби и на Виктор Осимен кој стана прв фаворит на ПСЖ за напаѓачката позиција.