Фурлани по последниот потрес во Милан: Нашата амбиција не е променета…

Калчолигашот Милан се реши да се ослободи од двајца важни играчи, луѓе кои имаа голем удел за успесите во изминативе сезони-тоа се Паоло Малдини и Рики Масара.

Овој потрес дојде веднаш по завршувањето на сезоната и истиот никој не го очекуваше, промени кој донесоа немир како кај играчите така и кај навивачите.

Токму поради ова се огласија од управата и тоа преку извршниот директор, Џорџо Фурлани кој прво говореше за Масара и Малдини.

-Прво и најважно сакам да им се заблагодарам на Паоло и Рики и да изразам благодарност до сите соработници на Милан за нивниот релевантен придонес за клубот во овие години. Паоло беше меѓу најголемите играчи на сите времиња и како директор, заедно со Рики, одигра важна улога во обезбедувањето на нашето 19-то Скудето. Тажни сме што гледаме како заминуваат, -рече Фурлани кој сакаше да ја увери јавноста дека амбиците на клубот остануваат високи и во иднина.

-Наш приоритет сега е да го консолидираме и зајакнеме напредокот постигнат во последните години, во сите области на клубот. Нашата амбиција не е променета, дури е поголема: да бидеме конкурентни во врвот на европскиот фудбал.

-На добар пат сме, но има уште многу работа. Се надевам дека нашите прекрасни навивачи ќе можат да ја задржат својата недопрена и постојана поддршка за клубот, јас лично се надевам дека наскоро ќе стапам во интеракција со нашите навивачи, за да можат да ја разберат нашата стратегија, да продолжиме да гледаме како Милан расте заедно, -порача Џорџо за „Газета Дело Спорт“.