Фудбалер на Барселона го доби најчудниот црвен картон: Си доби удар во глава, па поцрвене (Видео)

Младиот фудбалер на Барселона, Оскар Мингеза игра одлична сезона во каталонскиот гигант за кого веќе собра 30 настапи оваа сезона.

21 годишниот фудбалер е редовен и во репрезентацијата на Шпанија до 21 година која игра на Европското првенстов за млади фудбалери.

На вчерашниот натпревар против Италија се случи една навистина бизарна сцена по која Мингеза заработи црвен картон.

Најпрво врз шпанскиот репрезентативец стартуваше соиграчот на Горан Пандев од Џенова, Џанлука Скамака кој заработи втор жолт картон и беше исклучен. Незадоволен од ваквиот исход, друг играч на Италија,  Николо Ровела се нафрли врз Мингеза и го удри со главата, по што главниот судија на мечот се реши на доста чуден потег.

Имено, Николо Ровела беше исклучен исто така заработувајќи втор жолт картон, додека Оскар Мингеза ,народски кажано, ни крив ни должен заработи директен црвен картон. Видеото од целата ситуација брзо стана вирално на социјалните мрежи и е уште еден показател дека ВАР технологијата мора да се користи и на интернационалните натпревари.

🔴🔴🔴 pic.twitter.com/kI2f1lGuh0

— TheFootballAddick (@FootballAddick) March 28, 2021