Франција немаше решение за „црвената фурија“, Шпанија повторно е број еден во Европа

Репрезентацијата на Шпанија е нов европски шампион, наследник на престолот на Словенија која до вечерва го имаше статусот на најдобар тим на стариот континент.

„Црвената фурија“ ја надигра Франција со 88-76 во големото финале во Берлин и по четврти пат е број еден во Европа. Избраниците на Скариоло беше фантастични особено во најголемиот дел од првото полувреме во кое во еден момент имаа плус 21 (47-26), поточно имаа предност која постојано ја бркаше, се трошеше, ама Шпанеците знаеја како да одиграа, да се одбранат и да бидат да дистанца.

Хуанчо Ернангомез со 27 поени беше најдобар поединец во финалето, Браун имаше дабл-дабл од 14 поени и 11 асистенции, додека Вили Ернангомез и Фернандез уфрлија по 14 и 13 кошеви.

Кај поразените Фурние беше прво име со 23 поени.

Да потсетиме третото место на 41. Европско првенство го освои селекцијата на Германија која беше подобра од Полска.