ЦСКА го пречека Рајковиќ: Ова е голема чест, ќе работам во еден од најдобрите клубови на светот (ВИДЕО)

Македнскиот кошаркарски стратег, Емил Рајковиќ пред некое време официјално беше потврден како нов тренер на рускиот гигант ЦСКА Москва.

Рајковиќ ја доби довербата од раководството на „армејците“ и ќе ја води екипата во наредните две сезони. Тој веќе е во Москва каде беше пречекан од клубот уште на аеродромот каде и ја испрати првата порака.

-Почестен бев, но не и изненаден затоа што ова беше процес, имавме разговори, преговори со управата. Горд сум и искрено за мене ова е голема чест. Ова е шанса да работам со еден од најдобрите клубови на светот. Ќе биде предизвик и можност да бидам дел од семејството на ЦСКА.

-Сакам да ги поздравам и ги повикам фановите да дојдат на нашите мечеви, да имаме убаво шоу. Се надевам дека оваа година, ќе покажеме кошарка која ќе биде интересна и возбудлива за фановите, но и ќе ја вратиме титулата во клупските витрини, изјави Рајковиќ.