Братот на Конте го „поздрави“ Инѕаги по пропуштената шанса за рушење на рекорд на Јувентус (Фото)

Ремито на Интер против Калјари значи дека идниот италијански шампион може да освои најмногу 101 бод до крајот на сезоната, а со тоа остана без можност да собори еден престижен рекорд на Јувентус.

„Бјанконерите“ ја освоија титулата во сезоната 2013/14 со 102 освоени бода и на тој начин испишаа историја, а таа екипа беше предводена од Антонио Конте, кој во меѓувреме работеше и како тренер на „нероазурите“.

Одличната сезона на Интер под водство на Симоне Инѕаги нема да биде крунисана со поставување нов рекорд, а тоа го искористи братот на Конте, за преку социјалните мрежи да го истрола предводникот на актуелниот лидер во Серија А.

– 102 бода!

– Постојат такви кои читаат историја и такви кои ја пишуваат историјата. Тоа не е за сите, – напишал Даниеле Конте покрај славеничката слика на својот брат.

 

View this post on Instagram

 

A post shared by Daniele Conte (@dconted)