Бостон немаше одговор за фантастичниот Батлер, Мајами поведе во финалето на Истокот (ВИДЕО)

Составот на Мајами Хит забележа победа над Бостон Селтикс од 118-107 во првата средба од финалето на источната конференција во НБА лигата.

„Жешките“ загубија три од четирите четвртини против Бостон, но и тоа не ги спречи да дојдат до триумф благодарение на фантастичниот трет период кој го реализираа со 39-14. Џими Батлер 27 од вкупно 41 поен ги даде во второто полуреме, а зад своето име додаде уште 9 скока, 5 асистенции, 4 украдени топки, 3 блокади со што стана прв играч со ваков учинок по 1974 година откако почнале да се бележат украдените топки и „бананите“.

Jimmy Butler had 41/9/5/4/3 tonight.

He is the first player in NBA playoffs history to reach those numbers since steals and blocks were first recorded in 1974. pic.twitter.com/caf1yn5Ubr

— StatMuse (@statmuse) May 18, 2022

Добра поддршка му беа Хиро со 18 и Винсент со 17 кошеви, додека пак на спротивната страна кај ослабените Селтикс кои овој меч го играа без двајца свои стартери Смарт и Хорфорд (повреда и влез во здравствен и безбедносен протокол), дуото Тејтум-Браун искомбинира 53 кошеви.

И втората средба од оваа серија се игра на Флорида и тоа в петок наутро од 2:30 часот.